Өмірбаян

Литвиненко Юлия Алексеевна 14 желтоқсан 1978 жылы Алматы облысы, Талғар қаласында жүргізуші отбасында дүниеге келді. Әкесі - Литвиненко Алексей Яковлевич - жүргізуші, анасы - Литвиненко Любовь Васильевна – педиатриялық медициналық бике. 1996 жылы Жамбыл Жабаев атындағы №6 орта мектепті медалімен бітірген соң, С. М. Киров атындағы ҚазМУ-нің, химия факультетіне оқуға түсіп, бакалавриатты 2000 жылы ойдағыдай бітіріп шықты, содан соң магистратураға түсті, оны 2002 жылы үздік аяқтады да, сол жылы аспирантураға түсті. әл-Фараби атындағы ҚазҰУ- де маман, 1- санаттағы жетекші маман, жетекші маман, оқытушы, аға оқытушы, доцент міндетін атқарушы қызметтерін жүргізді. 02.00.10 – биоорганикалық химия мамандығы бойынша 2008 жылы кандидаттық диссертация қорғады. Ғылыми-зерттеу жұмыстары бойынша Ю.А.Литвиненконың 150 жарияланымдары бар, олардың ішінде: 90-мақала, 50 тезис, 6 алдын ала патенттер, Уақытша Фармакопеялық және Уақытша Аналитикалық Нормативті құжат, сонымен қатар 2 Тіркеу куәлігінің иесі. Мына оқу құралының авторы: «Өсімдік шикізатын өңдеудің химиялық технологиясы» – Алматы, 2016 және Алматы, 2018ж.ж. Ю.А.Литвиненко келесі ұстаздармен бірігіп - С. Н. Калугин, Ж. Ш. Бурашевамен оқу құралын «Тестілік тапсырмалар мен жаттығулар жинағы, Органикалық химия курсы бойынша», 2017 ж.; Ю. А. Литвиненко, А. К. Үмбетовмен «Хроматографический анализ природных веществ и материалов» – Алматы, 2015ж.; А.А. Мамутова, Ю.А. Литвиненко «Методы идентификации органических веществ»– Алматы, 2014 ж. және Г.Е. Жусупова, Ю.А. Литвиненко, А.И. Жусуповамен «Методология переработки лекарственного растительного сырья» – Алматы, 2018 ж. шығарды. Хирш индексі - 2. Юлия Алексеевна "Органикалық химия" курсы бойынша физика-техникалық факультетінің, 2-курс студенттеріне дәріс оқиды және лабораториялық сабақтар жүргізеді; Ол 5В072100 – «Органикалық заттардың химиялық технологиясы» мамандығы бойынша келесі пәндерден «Дәрілік препараттарды химиялық талдау», «Табиғи гликозидтердің химиясы мен технологиясы», «Өсімдіктің биологиялық белсенді заттарын идентификациялау»; «Өсімдік шикізатын өңдеудің химиялық технологиясы» және «Фитопрепараттарды алудың химиялық технологиясы» бойынша 3 және 4 курс студенттеріне дәріс оқып, лабораториялық сабақтар жүргізді.